ضاع القمر يابن عمى  * *  إوعى تفضـحــنـى
و بدال ما تحرق فى دمى * *  بكلـــمة رَيَّحْــــى
بلاش تزوِّد فى هَمــــــى * *  و تلوم وتنصحنى
 
ما هُوَّا راخر كأنه * *  فص ملح و بـــــــاش
هَدِّى المسائل عازِّنُه * *  زهرة الخشـخــاش
و ياما أقمار ف سِنه * *  تاهت و مالقينهاش
باقول كلام كله علمى * *  و ده اللى نَجَّحــنى
ضاع القمر يابن عمــــى * *  إوعى تفضحنى
 
ماتقولشى عيب ف التحكم  * *  يحكم عليك ظالــم
أو مسمارين منه فـَـكـُّـم  * *  و الأمر موش سالـم
ولا من سبيل التهكم  * *  هوِّ البعيــــد عالـــــــــم ؟
قول وَعْدْ مكتوب و حَتمى  * *  قادر يفـَّــرَّحنــــى
يرجع نضيف مِستحَمى * *  و ساعتها تمدحنـــــى
 
حاطِط فى نفسك و شايل  * *  رَغـَّب و لا ترهَّــــب
شجعنى دايما أحــــاول * *  و آديــــــــنا بنجـــــرَّب
و جاى دور المُفاعـل * *   و لمــــــــا حايسَّــــــرب
حاتخترع إيه يا غمى ؟ * *    تشنقـنـى , تدبَحنـــى ؟
ضاع القمر يابن عمــــى  * *  وراه و سَـرَّحنــــــى
 
يمكن لَقَط له إشارة  * *  من جار نَحَـــل وبـــــــــره
وعشان ماهيش أى جارة  * *   جابت أوام خبـــــره
لو كان فى عشرين مغارة  * * حاتجيبه من شـــعـره
وتقول دا مجنون و رسمى * *  كان ناوى يلمحنـــى
فين القمر يابن عمــــى  * * قول و صَـحـصَـحنـــــى
 

إن كان فى سن المعـاش * *  أو لسة فى الخــــدمــة
بس إضمنولى إنه عاش * * وانا باردو ف الخدمــــة
فى غضون سنين لو ماجاش * *  من غير ولا كدمـة
حاشِّد تُك تُك واسَّمى * *  و ارجع لكـــــــم محنـــــى
واروح بشحمى و لحمى * *  و الشمس تلفحنـــــــى
 
وادخل مدار الدياب * *  و الجِديِّ , وإديلـــــــه
وأشق كل السحاب  * *  وأجيبه من ديـلـــــــــه
و نشوفه بعد غياب  * *  و أكيد نِغَـنى لـــــــــه
يامَّا القمر عالبالب * *  نوَّر قنــاديــلـــــــــــــه
 
مانا كنت ساكت ياعَمِّى * *  ليه بتفتحنـــــــــــــى
عالقهوة م العصر مَرمى * *  و الصبر كَسَّحنــــى
ضاع القمر واللا حلمى * *  و اللا الغُنى ف لحنى
غاب القمر يابن عمى * *  ياللا روَّحـَّــنــــــــــــى
 
مع وافر التقدير و الإحترام للسيدة شادية و الشاعر مجدى نجيب

حسن العربى       

القصيدة التالية  • القصيدة السابقة