إللى حصل فى الخَضرا عركة ف حارة
طاحِت بريـع تلاتين سنة و وزارة
مَسَحِت تاريخ , كتبت تاريخ بإشارة
و الوِلعة راح تبدأ بِعُـقب سيجارة
أصل الكلام ده كله ليكى ياجارة
 
ياللا الحقوا طَفوا إللى جوه نفوسنا
فكـونا من نعلكم قبل الغريب ما يدوسنا
العرض طَوِّل و ماسخ رجعوا لنا فلوسنا
هىَّ الدراما كده ؟ نحنى و ندفن روسنا
 
ماوعدشى يمكن يومين أو خطوتين فاضلين
تِرُدوا ورث إتنهب و ترجعوا لنا الطين
و ترخصو لنا الغاز و تعيينوا العاطلين
الليستة لسه طويلة و إنتو موش فاضيين
 
خلُّوا المطار مستعد و الموتور بيدور
طيارة متفَوِّلة للصحبة عشرين دور
و تحسوا طعم الغربة , كومبارس مالكوش دور
ألا أونا . . آخر ندا . . إتجنبوا المحظور

يا تونس الخضرا أنتم السابقون
الوهم رعرع هنا , فاكرين سكوتنا سكون
ما تخييبوش ظننا . . إحيوا أمل مركون
الشعب قال كلمته , يا حُر كن . . فيكون

حسن العربى       

القصيدة التالية  • القصيدة السابقة